هناك من يعشق سماع الأغانى ولكن من المؤكد أننا كبشر عاديين نحب نغنى لوحدنا وفى اماكن خاصة جدا جدا جدا --- وعشان تغنى صح لازم تكون كلمات ولحن الأغنية فى دماغك --- اللحن سهل ان تتسلطن بيه أما الكلمات فغالبا ما لا نعرفها فنأخذ باقى الأغنية بدندنة لحنية تعجبنا ثم .... نتوقف وقد ننتقل لأغنية آخرى أحنا حافظين كلماتها --- ولهذا وضعت لكم كلمات أغانية وطنية لها ذكريات عاطفية وتعيش فى وجدان الشعب المصرى منذ ثورة يوليو المباركة أغنية جميلة للعندليب الأسمر عبد الحليم حافظ ممكن تغنيها  لوحدك

أغنية : عدّى النهار

عدّى النهار .. و المغربية جايّة    تتخفّى ورا ضهر الشجر

وعشان نتوه في السكة    شالِت من ليالينا القمر

و بلدنا ع الترعة بتغسل شعرها    جانا نهار مقدرش يدفع مهرها

يا هل ترى الليل الحزين     أبو النجوم الدبلانين   أبو الغناوي المجروحين

يقدر ينسّيها الصباح     أبو شمس بترش الحنين؟

أبداً .. بلدنا ليل نهار    بتحب موّال النهار   لما يعدّي في الدروب

و يغنّي قدّام كل دار