33 قصيدة مختارة من اشعار هشام الجخ

قصيـدة : جحـــــــا

عن حال مصر
شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه

بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة

كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله

بــــاقى القصائد

بالملف المرفق به 33 قصيدة مختارة يمكنك التحميل من الرابط التالى

http://www.multiupload.com/09PHA4JN2D

كتاب للثقافة العامة – قصة من التراث المصرى الأصيل

(القصة تم عملها فى مسلسل رمضان بطولة الفخرانى منذ سنتين)

الكتاب 212 صفحة وحجمه 5 ميجا وبصيغة pdf

للتحميل اضغط على الرابط التالى http://www.multiupload.com/K4EOW76GX8

كتاب فى الفكر والسياسة

(المدونة تعرض الكتاب للثقافة وليس لها فيما ينشر توجه سياسى محدد سابقا)

كتــــــــــــــــاب

الكتاب 324 صفحة وحجمه 9 ميجا وبصيغة pdf

للتحميل اضغط على الرابط التالى http://www.multiupload.com/UJ7YUVM1T6

معلومات لصحتك

حدوث قرح متكررة فى الفم من الداخل

القرحة تعنى تمزقا فى الغشاء المخاطى المبطن للفم، أى الجزء الداخلى من "الشفاه، الخد، الحلق، سقف الحلق، وكذلك اللسان، وقد يعانى الإنسان من حدوث قرحة بالفم من حين لآخر للعديد من الأسباب، وتنقسم القرح إلى 3 مجموعات:
 - 1قرح تحدث بصفة مؤقتة، وتستجيب بسهولة للعلاج، مثل القرح التى تحدث نتيجة إصابة مباشرة للغشاء المخاطى المبطن للفم أو الحلق، مثل تناول مشروب ساخن جدا، عض اللسان أو الشفاه أثناء الكلام، تناول طعام خشن وحاد، إصابة أثناء تنظيف الأسنان أو غير ذلك من القرح التى تصيب اللسان.
 -2 توجد بعض الأمراض العامة الباطنية وأيضا بعض الأمراض الجلدية يصاحبها حدوث قرح داخل الفم، وهى تعتبر فى هذه الحالة ظاهرة مهمة يعتمد عليها الطبيب فى تشخيص المرض، كمثال بعض الالتهابات التى تصيب الجلد والجهاز التنفسى مثل مرض بهجت، وبعض الالتهابات المزمنة حيث تسبب قرحا بالفم، مثل أمراض الزهرى والسل وكل أمراض ضعف المناعة، وكذلك بعض من الأمراض الخبيثة، وأيضا أثناء تناول المريض لجرعات العلاج الكيماوى.
-3  كما يوجد مرض كل أعراضه هى حدوث قرح متكررة بالفم، وفيه يحدث شفاء تلقائى للقرحة يتبعه ظهور قرحة أخرى فى مكان مجاور للقرحة السابقة، وتوجد عدة احتمالات لحدوث ذلك المرض، منها اختلال المناعة، العوامل النفسية، التغيرات فى مستوى الهرمونات بالجسم.
ومن ثم فمن أجل وصف علاج سليم للقضاء على القرح لابد من إجراء الفحص الدقيق لحالة المريض، لاستبعاد وجود أمراض معينة بالجسم، يكون من أعراضها حدوث القرح ثم عمل تحاليل للوقوف على كفاءة جهاز المناعة، بالإضافة إلى العلاج الموضعى للقرح.

كتاب للثقافة العامة

مجموعة شعرية رائعة فى كتــــــاب

الكتاب 292صفحة وحجمه 4 ميجا وبصيغة pdf

للتحميل اضغط على الرابط التالى http://www.multiupload.com/68G40IVZ0U