جديد 5-12-2010

كبده اسكندراني الأصلية وطعمها زى بتاعة العربية البلدى بالظبط

(طبعا الطريقة منقولة والطعم مسؤلية المنفذ)

المكونات
= نص كيلو كبده بقري مقطعة شرائح صغيرة جدا تقطيع شاورما
= ملح + فلفل اسود
2= قرن فلفل اخضر حراق مقطع حلقات رفيعة ويمكن استبداله بفلفل رومي للي مش بيحبوا الاكل الحراق
2 = معلقة كبيرة ثوم مفروم
= نص معلقة صغيرة كمون
= معلقة كبيرة خل + ليمونة كبيرة
= ربع كوب زيت ذرة زيت
الطريقة
ضع زيت الذرة في طاسه عميقة او حله وسخنه وبعدين حط الكبده كلها مع حبة فلفل اخضر وحبه ملح وفلفل اسود ومعلقة ثوم كبيرة وغطي عليها --- سيبها ربع ساعة تنزل سوائلها (مائها) وتشربها وبعدين تكون جهزت سلطانية او طبق صغير الخلطة دي : الكمون والثوم والخل وعصير ليمونة كبيرة وباقي الفلفل الاخضر وقلبهم جيدا واول ما تحس ان الكبده قربت تستوي تضيف الخلطة دي كلها وتخفض النار شوية وتغطيها وتسيبيها تشرب باقى الخلطة دي تماما بس ماتنشفش يعني سيب فيها حبة مايه صغيرين .
وحضر عيش فينو او اي عيش انت بتفضله واعمل سندوتشات طعمها كبدة اسكندراى حقيقية وبالهنا ومعها شوية طرشى بلدى شديد وتحبس بكباية شاى تكون كدا آخر تمام

جديد 5-12-2010

الفلوس كلمة سحرية تجعلك تلف وتدور وتتعب نفسك فى جمعها وانفاقها وياريت تكفى

آلية الشراء والبيع والإدخار تعتمد على النقود أو العملة المتداولة وقيمتها السوقية يعنى تشترى بكام الفلوس دى -- سابقا كان بـ 100 جنية تمتلك منزل جيد واليوم بـ 1000000 جنية تمتلك شقة يعنى على قد حالك وظروفك المالية (طبعا الكلام دا مش لك ولا لى) وبعدين ......... ايه رأيكم نتابع مع هذا الكتيب الشيق تاريخ وشكل عملات بلدنا من زمان – وشوف وتعجب فى زمن كيلو السكر بـ 8 جنية واللحمة بـ 80 جنية والطماطم (اللهم أجعل كلامنا خفيف على ست طماطم المجنونة) سعرها من اسبوعين نط لـ 10 جنيهات كلمة – لأنها أصيلة ومتأصلة والسبب --- كلنا عارفينه --- الحر والشمس طبعا مش اللى بالى بالك ياعزيزى (صاحب المدونة)

كتيب 33 صفحة (منقول) حمله من الرابط التالى   http://www.multiupload.com/AR3QNWFZNU