جديد 30-12-2010

مجموعة جميلة من أغانى

موسيقار الأجيال والمطرب محمد عبد الوهاب

حملها من الرابط التالى (5 أغانى - 6 ميجا) http://www.multiupload.com/89888WIS80

جديد 29-12-2010

والله الموضوع حلو ومفيد جدا ولكل بيت ودى ثقافة عامة جميلة

(لغة النص مكتوبة بطعم الأكل وبطريقة قابلة للفهم والتنفيذ)

الخضار والفاكهة ومع مصروف البيت المتواضع وضرائب غالى الغالى المتصاعدة شهريا عليكم بالأستفادة النسبية من الأسعار اليومين دول والمعقولة (الموز 4 جنية – البرتقال 3-5 جنية – اليوسفى 3 جنية- الفراولة 6-7 جنية  وووووو ...) - أسعار أسواق بورفؤاد – استخدم الخطوات وبدقة فى طريقة حفظ جميع الخضروات والفواكة فى الديب فريز  ولفترات طويلة للأصناف التالية

---- حفظ الفاكهة  (10 أصناف) -----

اولا المشمش :المشمش يفضل أن تكون موجودة بالبيت طول السنة. نجيب المشمش ونقطعه ونشيل النوى، وبعدين نغسله كويس ونصفيه لمده 3ساعات.ثم نحطه فى حلة نكون لى النار دقايق عشان نتأكد ان مافيهاش اى مياة (وفى تخزين المشمش او الخوخ او كل انواع المربات لازم نعمل كدة وكمان نتأكد ان كل الادوات اللى بنستعملها تكون جافة يعنى مافيهاش مياة خالص).. وبعدين نحط لكل كيلو مشمش 2 كوب سكرونسيبهم على نار متوسطة لمدة ساعة مع التقليب المستمر بملعقة معدن وتكون جافة..ولازم كل شوية نشيل الريم (وده سببه المياه اللى فى الادوات المستخدة مع الرواسب الموجودة فى السكر عشان كدة نستخدم دائما سكر خشن مش ناعم لان كل السكر ما بيكون ذراته ناعمة بيكون فيه شوائب اكتر) وبمصفاة صغيرة جدا نحط فيها تلات ملاعق نشا ونرشها على المشمش مع التقليب المستمر والا ها نلاقى تكتلات. وبعد ماتبرد شوية نحطهم فى الخلاط لحد ماتبقى زى البيورية وبعدين نصفيها وبعدين نحط المشمش فى اكياس على حسب الاستخدام. ونحط شوية منه فى برطمان زنأخد منه بالمعلقة بعد ما يتجمد للأستخدام السريع.مع كل كوب ماء ملعقة كبيرة ونقلبها لحد ما تدوب ونعمل منه كوب واحد ..ودة بيكون طعمة ولا قمر الدين الجاهز وبنعمل منه كمان المشمشية او مهلبية المشمش بعد ما نخففه بمياة بس ونحطله نشا...

ثانيا الخوخ :زى المشمش نوعا ما.نحط الخوخ بالنوى وبعدين نغسله مش مهم تصفيه..ونحطه فى حلة ونحط لكل كيلو خوخ  2كوب سكر+ 2كوب ماء ونسيبهم على نار متوسطة لمدة ساعة وبعدين نستنى لما يبرد شوية ونقشره ونقطعه أنصاف بالسكينة ونشيل النوى..باخد الجزء الجامد شوية ونرصه فى اى برطمان ونضيف عليه شويه من العسل اللى غليته فيه وده بيكون كمبوت خوخ.. والباقى نضربهم فى الخلاط مع شويه من العسل ونشيلهم فى اكياس حسب احتياجاتك..وباقى العسل بنشيله فى اكياس صغيرة بعد ما نصفيه وبيكون لونه وردى وبنعمل منه جيلى خوخ بعد ما نضيف له كوب ماء ساخن مذوب فيه 3ملاعق صغيرة جيلاتين... وبيكون تحفة 

ثالثا المانجو :المانجة بنشيلها زى ماهيا بقشرها كل أتنين فى كيس وبنقشرها بمقشرة البطاطس لما بنخرجها من الفريزر على طول وانا ماسكاها بفوطة.. وساعتها اقدر اقطعها مكعبات او اعملها عصير.. وبس كدة 

رابعا الفراولة: بنقطع الجزء الاخضر ونحط عليها سكر ونشيلها فى اكياس بالسكر بتاعها ولما نخرجها نضربها فى الخلاط ونعملها عصير أو صوص فراولة فى اى وقت 
خامسا الموز :لكل كيلو موز ربع كوب لبن و2 ملعق سكر ونضربه فى الخلاط ها يبقى عندك جرانيتا موز تحفة بناخد منها بالمعلقة ونعمل عصير موز باللبن او بنحطها على فروت سلاط بدل الأيس كريم وبنحطها كمان على الكيكة وهية لسه طالعة من الفرن (ساخن مع بارد

سادسا الجوافة :باقطعها شرايح ونحط عليها سكر ونشيلها فى الفريرز فى اكياس حسب الحاجة...

سابعا البلح الرطب(الاسمر): بنشيله فى برطمان بعد ما نشيل النوى ونقسمه نصفين.بنحطه بالطول جنب بعض وده بيسهل ان ناخد منه من غير مايتقطم .. وعلى فكرة مش بيتجمد أبدا" .. وبنعمل منه تارت البلح وكيكة البلح فى اى وقت فى السنة..

ثامنا الرومان :بنفصص الرومان ونخرج الحب ونحط عليه سكر ونشيلة فى اكياس . ومش بيتجمد برضه. وبنستخدمه فى الفروت سلاط وسلاطة الرومان وتارت الفواكه وكزينة لكثير من الحلويات والايس كريم.. وكمان بنعمله عصير ونصفيه ..
تاسعا العنب:  بنشترى العنب تكون حباته كبيرة سواء كان أحمر أو أخضر.وبنشيله فى اكيس بعد ما نفرط العنب من العنقود ونغسله.. وبناخد كمية منه ونسيبها يومين على صينية كبيرة مفروشة بورق ابيض وعلى الورق فوطة قماش .وبعدين نجيب حلة ونحط فيها ماء مغلى وزيت لوز (لكل لتر ماء ملعقة زيت لوز صغيرة) ونضع فيها العنب بعد ان أصبح ذابلا" لمدة ثلاث دقائق وبعدين بنصفى العنب ونحطه مرة تانية على نفس الصينية وونتركها فى مكان مشمس جدا لمدة عشرة ايام وكل يوم نقلبه.. هايبقى عندك زبيب بيتى
عاشرا" الليمون والبرتقال البلدى :الاتنين بنعملهم بنفس الطريقة.الاول بنبشر قشر الليمون اوالبرتقال بمشرة صغيرة اوى. ما تبشرش الجزء الابيض.وبنحتفظ بيهم فى علب تلاجة صغيرة او برطمانات صغيرة .وبعدين نقسم الليمون والبرتقال اللى بشرت قشرتهم نصفين وبنعصرهم كويس وبنحطهم فى علب مكعبات التلج وبنعملهم مكعبات ليمون وبرتقال. وكل مكعب على قد كوب العصير لو قلبناه جيدا مع ماء وسكر.او كميه مكعبات فى الخلاط مع مياة وسكر.وكمان مكعبات الليمون ممكن نتبل بيها الفراخ والبفتيك مع باقى المكونات طبعا. وبنعمل منها كل حاجة.شربات الحلويات. ولتظيف الحلل اللى لونها اسود نغلي مع مكعب ليمون شوية مياه فى حلة الألمونيوم

طبعا الموضوع منقول وبتصرف منى وللعلم معظم هذه الوصفات قابلة للتنفيذ ومعظم ربات البيوت الشااااااااااااااااااطرين بتعملها وأفضل مما هو مكتوب هنا ودى شهادة حق للزوجة الشاطرة والمدبرة لمصروف بيتها بعقل وحكمة وعلم ومزاج عال العال