جديد 27-2-2011

النـكــتـــة المـصـريـــــــــــة والثــــــــــــــــــــــــــــــــــــــــــــورة

الشعب المصرى الصبور فى أحلك الظروف يبحث عن الفكاهة والنكتة السياسية ليداوى بها جراحة وبها يستطيع ان يضحك ويعبر كل الآلام فذا قدر المصريين منذ الآف السنين يصبر ويقاوم ويتقدم وممسك بيدة سلاح السخرية ضد أعداءه وحكامه ونظمه الظالمة

نكت قيلت فى الثورة المصرية

= أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!

= السلام الجديد بين الزعماء العرب هو "الثورة عليكم ورحمة الله وبركاته" !

= الرئيس مبارك قال إنا خسارة في المصريين وتنحي وقرر إنه يرشح نفسه لرئاسة تونس، مما دفع ملايين التونسيين إلى المطالبة بعودة زين العابدين بن علي."

= زين العابدين لما عرف ان مبارك تنحى بعت رسالة لة يقوله فيها : متنساش تجيب دراع البليستيشن معاك – رد مبارك قائلا : لا تعايرنى ولا أعايرك الشعب خالعنى وخالعك

= واحد لقي الفانوس السحري ودعكه.. طلعله العفريت وقاله: شبيك لبيك تطلب إيه؟ قاله الراجل: أنا عايز كوبري بين القاهرة وأسوان، العفريت قاله: دي صعبة قوي.. نقي حاجة تانية، الراجل قاله: خلاص خلي حسني مبارك يسيب الحكم، العفريت قاله: انت عايز الكوبري رايح جاي؟ ولا رايح بس؟

= مبارك قال لأعوانه : فين الفلوس ؟ فقالوا له أنت ناسي يا ريس أننا انفقنا علي البلطجية والحمير في موقعة الجحش !

= مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين علي السعودية والمسيحيين علي أمريكا واقفل وهات المفتاح وتعالي !

= إعلان وظيفي نشره مبارك بعد تنحيه كتب فيه : رئيس سابق يبحث عن وظيفة .. خبرة في إنشاء الكباري متعددة الطوابق .. والمعتقلات شديدة الوحشية.. ولديه قدرة خاصة على التناحة .

= سألوا الرئيس عن رأيه في التغيير، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة

= مع دخول المسرحية الكوميدية "امشي يا حسني لا مش ماشي" موسمها الثلاثين بنجاح ساحق.

= بيقولك مرة البردعي و أحمد عز , وواحد من الإخون ركبين العربية ومعاهم السواق : فالبردعي بيقول انالما أمشي في الشارع بيسقف لي مليون واحد و أحمد عز قال بيسقفلي نصف مليون واحد وقال أحمد عز أنا لما امشي في الحزب بيسقفلي نصف مليون والبردعي قال بيسقفلي ربع مليون والإخواني قال بيسقفلي ربع مليون رح جي رادد السواق وقال ( أنا لو خبط في جدار هيسقفلي 80 مليون واحد (

= عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة.
- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!

" = الرئيس يهدد بإحراق نفسه ويطالب بتغيير الشعب."
= "خبر عاجل: الرئيس وعبر أثير الاذاعة يهدي الشعب المصري أغنية نانسي عجرم .. 'اخصمك اه .. اسيبك لأ.'"

= ردا على يوم الغضب ويوم الشهداء واسبوع الصمود ويوم الرحيل، اعلن الرئيس انه قرر التنحي ف يوم القيامة
نكت قيلت فى الثورة الليبية

- نبأ عاجل : القذافي لن أتنحي حتى أسدد أقساط التوك توك

- سائقو التوك توك يشكرون العقيد بعد أن ظهر بالتوك توك مرتين كإعلان مجاني.

- معا للحفاظ على القذافي كتراث أنساني

- القذافي أعلن الزحف المقدس من الصحراء إلى الصحراء .. وخد التوك توك وخلع .

- الشعب الليبي يجب أن يغير شعاره إلي الشعب يريد إسقاط الخبلان الشعب يريد إسقاط الهذيان

- معا لتعيين القذافي المشرف على كوكب كوميديا في قناة سبيستون

- كده خلص التلات خطابات يا جماعة: خطاب التوك توك، خطاب الخرابة، خطاب احسبها صح تعيشها صح

- القذافي يغير علم ليبيا إلي علم ازرق مكتوب عليه “العين صابتني و رب العرش نجاني”

- القذافي سمع أن زين العابدين بن علي في “غيبوبة”، فسأل (القذافي) وزيره: قداش تبعد غيبوبة عن ليبيا؟

هتافات الليبيين:

- ارحل بقى يا جزمه .. ياللي مالكشي لازمة

- شعار المتظاهرين فــي ليبـيا : الشعــب يريـد عــلاج الرئيس

أطرف أقوال القذافي

- للمرأة حق الترشح سواء كانت ذكرا أو أنثى ..

-وأيها الشعب.. لولا الكهرباء لجلسنا نشاهد التلفاز في الظلام..

- وأنا لست ديكتاتورا لأغلق الفيس بوك.. لكني سأعتقل من يدخل عليه..

- وتظاهروا كما تشاءون ولكن لا تخرجوا إلى الشوارع والميادين”.

وياما فى الجراب ياقذافى

جديد 27-2-2011

كتاب جميل فى السياسة أطلع علية

الكتاب 325 صفحة وبصيغة pdf

للتحميل اصغط على الرابط التالى http://www.multiupload.com/O5FP64O8QA

جديد 27-2-2011

موسوعة الأمثال الأنجليزية

الأمثال فى حياتنا تلعب دور مهم واليوم اضع لكم كتيب لبعض الأمثال المشهورة والأهم انها مترجمة للغة الانجليزية

كتيب 56 صفحة حمله من الرابط التالى http://www.multiupload.com/T85JF5A57G