جديد 6-4-2011

أبتسم فاليومين دول الأبتسامة مطلوبة وبشدة أوىىىىىىىىىىىىىىىىى

1- أمين شرطه روح بيته لقى مراته لابسه ومتشيكه ع الاخر ....قالها رايحه فين قالتله ملكش دعوه ... زعق فى وشها جامد قالها بقولك رايحه فين – قامت مطبقه 5 جنيه وحطتها ف جيبه – قالها متتأخريش.
2- واحده متخرجة من كلية أداب قعدت تدور على شغل ومفيش فايدة فى يوم لقت فى الجورنال اعلان مطلوب وظيفة بدون مؤهل فى جنينة الحيوانات راحت قالولها انتى هاتلبسي لبس مرات الأسد وتقعدى فى قفص من إزاز ومتخافيش الاسد فى قفص تانى واخر اليوم تقبضى يوميتك
فى يوم لقيت الاسد بيخبط ع الازاز ودخل القفص بتاعها قعدت تصوت الحقونى الحقونى –رد عليها الاسد قالها متخافيش اخوكى محمود بكالوريوس تجارة.
3- واحد نايتى دخل الجيش الظابط بيسأله اسمك ايه قاله كوكى ضربه بل قلم على قفاه قاله كوكى دا فى البيت لكن هنا فيه حزم وشده –جه تانى يوم بيسأله إسمك ايه ؟
قاله كوكى الشرير أوى.
4- واحد بلدياتنا قال لأبوه بابا انا عايز أخد ICDL قاله على جثتى مش هتاخد غير بنت عمك.
5- واحد بلدياتنا كل يوم يدعى يارب ارزقنى بولد يارب ارزقنى بولد / ف يوم نزله ملك من السما قاله أبوس إيديك إتجوز الأول.
6- محاسب مصرى بيسأل محاسب أمريكى انت بتقبض كام : رد الامريكى 800 دولار اساسي و 600 بدل مخاطر و 400 بدل سفر و 300 بدل غربه فساله الامريكي وانت/ قاله 300 جنيه قاله دا بدل ايه؟ رد المصري قاله دا بدل ما أشحت.
7- محشش ف المحكمة القاضى بيقوله لو جبتلى 10 كلمات تبدأ بالألف هسيبك تروح قاله(أجيبها أحرقها أفرطها ألفها أولعها أعملها أمخمخ أنسطل أطفيها أنام).
8- مبارك كان عامل اجتماع لكل الوزراء –اتصلت بيه سوزان قالتله الحق ياحسنى الفيلا اتسرقت قالها اذاي تتسرق والحراميه كلهم هنا.
9- جمال مبارك شاف ف المنام بيضة دهب و30 زتونة سودا و 3 ديوك جاب واحد يفسرله الحلم قاله البيضا الدهب دى مصر و30 زيتونة السنين اللى ابوك كان بيحكم فيها رد جمال طب وال 3 ديوك قاله دا ديك امك وديك أبوك وديك اليوم الأسود اللى شفناكم فيه.

هل تعلم ان ماتراه أمامك رسم ؟؟؟؟؟؟ 

تمعن فى الألوان ودقة وشكل الفاكهة المرسومة وبالمناسبة حاول أن تتعرف عليها فيها بطيخ -كيوى-فراولة-زبدة-عنب ......

جديد 6-4-2011

معلومات تهمك

انت تتعامل او لا تتعامل مع البورصة إليك معلومات عن أصل حكاية البورصة

يعود أصل كلمة بورصة وتسميتها بهذا الاسم إلى شخص بلجيكى يدعى " فن دى بورصن"، حيث كان يمتلك فندقاً بمدينة بروج ببلجيكا. وفى القرن الخامس عشر كان يمثل هذا الفندق ملتقى التجار المحليين الذين كانوا يترددون عليه للمناقشة حول الصفقات التجارية، وقد كان شعار الفندق آنذاك عبارة عن ثلاثة أكياس من النقود، حتى أصبح يمثل رمزاً لسوق رؤوس الأموال وبورصة السلع.
وجاء أول نشر لقائمة أسعار البورصة طيلة فترة التداول عام 1592 بمدينة أنفرز، التى تعد كبرى المدن الفلمندية فى بلجيكا، والتى تمثل عصب الحياة الاقتصادية هناك، أما فى فرنسا فقد استقرت البورصة بقصر برونيار فى باريس، وفى الولايات المتحدة الأمريكية بدأت البورصة بشارع وول ستريت بمدينة نيويورك منتصف القرن الثامن عشر.
وبالنسبة للشرق الأوسط تعد البورصة المصرية واحدة من أقدم البورصات التى تم إنشاؤها، حيث يعود جذورها إلى القرن التاسع عشر عندما تم إنشاء بورصة الإسكندرية فى عام 1883، وتلتها بورصة القاهرة عام 1903.
وببساطة شديدة تمثل البورصة سوقاً لتبادل البائع والمشترى للأوراق المالية، حيث يتم التبادل بعد الاتفاق على سعر لهذه الأوراق، وتقوم الشركات التى ترغب فى التوسع فى مشروعاتها بطرح أسهمها فى السوق، ومن يريد أن يصبح مشاركاً أو مساهماً فى رأس مال إحدى الشركات، يقوم بشراء عدد من أسهم تلك الشركة المطروحة فى السوق، وبالتالى يكون من أصحابها إلى جانب العديد من الأشخاص الذين يمتلكون نسباً متفاوتة من أسهم هذه الشركة.
ويصبح من يمتلك أكبر نسبة أسهم بإحدى الشركات مالكاً مساهماً فى رأس مال تلك الشركة، وحين إذن يكون له حق تصويت أكبر داخل الشركة فى اجتماعات مجلس الإدارة لاتخاذ القرارات المهمة فى الشركة، لأنه أصبح باختصار أحد ملاك الشركة.