جديد 3-3-2011

لو أنت مصرى مثلى يعنى تعمل وتأخذ مرتب معقول وتعيش بالناس ومع الناس تسمع وترى ماحولك بعيون مصرية ولست من أياهم ؟؟؟؟؟ تعال معى نقرأ قصيدة مصرية 100% شوف الكلمات وتمعن وعيش فيها وستجد ذاتك وستشعر بوضعك (للأسف) وحالك السياسى والأقتصادى والأجتماعى

أروع ماكتب الشاعر جمال بخيت

مش باقي مني

مش باقى منى غير شوية ضى ف عينيا

أنا هاديهوملك

وامشى بصبرى ف الملكوت

يمكن ف نورهم تلمحى خطوة

تفرق معاكي

بين الحياة والموت

مش باقى منى غير شوية نبض ف عروقي

خُدى.. وعيشى..

وافتحى لى تابوت

أفرح بريحة ورد فرعوني

وربنا ف عوني

اذا دخلت الجنة ولاّ النار

هاشتاق إلى ضحكتك

وقعدتى ف الدار

والقهوة متحوجة

من طيبة العطار..

ف كل يوم الصبح

باشرب حليب قبطي

وف النهار والمسا

بامسك ستار الكعبة لو سبتي

واثبت اذا هربتي

اهديكى عمرى وحسى وجوارحي

اهديكى جرحي

هو اللى باقى ف دنيتى لما خلص فرحي

مش باقى مني

غير شوية لحم ف كتافي

بلاش يتبعتروا ف البحر

بلاش يتحرقوا ف قطر الصعيد

ف العيد

بلاش لكلب الصيد.. تناوليهم

خدى اللى باقى من الأمل فيهم

وابنى لى من عضمهم

فى كل حارة مقام

وزورينى مرة وحيدة

لو كل ألفين عام

ألم الجراح يتلم

مش باقى منى غير شوية دم

متلوثين بالهم

مُرين وفيهم سم

كانوا زمان شربات

والنكتة سكرهم

شربتهم الخفافيش

فى قلب أوكارهم

مش باقى منى غير شوية دم.. مااقدرشي

اسقيكى.. مواجعهم

وبرضه مااقدرشي

أرميكى..

وأبيعهم

يمكن ف مرة تعوزى تطلبينى شهيد

هاحتاج يوميها الدم

يمضى على شهادتي

مش باقى مني

غير شوية قوة ف إرادتي

على شوية شِعر من خطي

حاسبى عليهم وانتى بتخطي

وانتى ف صبح الدلال

بتعطرى شطى..

مش باقى مني

غير شوية ضى ف عينيا

انا مش عايزهم

لو كنت يوم هالمحك

وانتى بتوطي

فى معركة مافيهاش

ولاطيارات ولاجيش

وانتى ف طابور العيش

بتبوسى إيد الزمن

ينولك لقمة

من حقك المشروع

مش باقى منى.. غير

شهقة ف نفس مقطوع..

بافتح لها سكة

ما بين رئة.. وضلوع..

ما بين غبار.. ودموع..

وانا تحت حجر " المقطم "

ف الدويقة باموت

انا.. والعطش.. والجوع..

يئن تحتى التراب

وانا صوتى مش مسموع..

ياحلمنا الموجوع..

من المرور ممنوع..

مستنى لما يمر

موكب سلاطينك..

مش باقى مني

غير شوية رحمة من طينك..

على شوية صبر من دينك..

مش باقى منى غير حبة غُنا تايهين

ف الضلمة مش لاقيين

حس الفواعلية..

ولا صوت مراكبى عَفي

فوق المعدية..

ولا صوت بناتى العذاري

فى كل صبحية..

والغنوة.. امنية

" ياما نفسى اقابل حبيبى..

وانا ع الزراعية "..

صوتك وصوتهم غاب..

وانا تحت حجر المقطم.. باموت لوحديا..

الليلة راحت عيوني

تطل ع البستان..

وجناين الرمان..

رجعت لى توصف عناد الغل والدخان

وسحابة سودا تضلل

على الغُنا الغلبان..

رجعت لى توصف هبوب الموت

على الالوان..

رجعت لى توصف..

.. خيال الذل..

ف موائد الرحمن..

مش باقى منى غير شوية كُفر بشروقك

وانا..

منبع الايمان..

مش باقى منى..

غير شوية ضى..

وعينيا

مش قادرة تلمحنى..

فى وحدتى محنى..

خايف أموت م الخوف

والضعف يفضحنى..

... السجن عشش ف قلبي

وماشى ف شوارعك..

نفس اللى باعنى وخدعني

بالرخيص بايعك..

هاشيل حمولى انا

ولا هاشيل حملك؟!

ماعدت املك شيء..

فيكى.. ولا فيا

ولا قيراط ولا بيت..

ولا نسمة صافية تلاغى النيل بحرية..

مش باقى مني

غير شوية حب جارحّني

ولا باقى مني

غير شوية ضى ف عينيا

جديد 2-3-2011

تنسيق الزهور

جميل ان يكون لديك زهور ولك هواية تنسيقها اتستمتع كل لحظة بمنظر جديد وابداع مستمر ولمن يهوى هذا التغيير وضعت لكم كتيب فى هذا الموضوع

كتيب فى 20 صفحة وبصيغة pdf

للتحميل اصغط على الرابط التالى http://www.multiupload.com/L8343O08N2

كلمات أغنية جميلة للعندليب الأسمر عبد الحليم حافظ وأغنية

موعود

موعود معايا بالعذاب موعود يا قلبي موعود ودايماً بالجراح موعود يا قلبي

ولا بتهــــــــــــــــــــــــدى ولا بترتاح في يــــــــــــــوم يا قلبـــــــــــي

وعمرك ما شــــفت معايا فرح كل مرة ترجع المشــــــوار بجرح

والنهاردة جاي تقول انسى الآهات جاي تقول لي يالا بينا الحـــــب فات

وميل وحدف منديــــــــــــــله كاتب على طرفه أجيــــــــــــله

وأمانة يا دنيا أمـــــــــــــــــانة تاخدينا للفرحة أمــــــــــــــــانة

وتخلي الحزن بعيد عنـــــــــــــا وتقول للحب استنّا .. اســـــتنّا

تاني تاني تاني .. حنروح للحب تاني .. والنار والعــــــــذاب من تاني

تاني تاني تاني .. حنروح للحيرة تاني .. ونضيع ونجري ورا الأمــــاني

ويغيب القمر ونعيش الســـهر وأهات الألم بليالي النــــــــــــدم

يا ليل آه يا ليـــــــــــــــل يا حزن الســــــــــــــــــــــــــــــــــــهارى

ياللي شفت في عيني دمــــوع وأنا دايما راجع وحيــــــــــــــد

خلي فجر الحب يطلع بـدري يملي مشــــــــــــــــوارنا الجديد

وأمانة يا دنيا أمـــــــــــــــانة تاخدينا للفرحة أمــــــــــــــــانة

وتخلي الحزن بعيد عنـــــــــــا وتقول للحب استنا .. اســـــتنا

وابتدي ابتدي ابتدي المشـوار وآه يا خوفي من آخر المشـــــوار

جنه ولا نار اه يا عينــــــــــي رايح وانا محتار آه يا خوفــــــــي

واتقابلنا..والحياة قدام عينينا حلوة واتقابلنا..والكلام فوق الشفايف غنوة

كل حاجة فكرت فيهــــــــــا في لحظة واحدة رديت عليهــــــــا

بنظـــرة حلـــــــوة من عينيهـــــــــــــــا

الأمان في عينيهـــــــــــــــــــــــا حسيت إني عديت للأمان في عينيهـــا

والحنان خــــــــــد مني وادفا يااللي محروم من الحـــــــــــــــنان

والقمر طلع والخــــــوف بعد والهوى دفي والليــــــل سمع

شــــــــــوف بقينا فين يا قلبي وهي راحــــــــــــــــــــــت فين

شــــــوف خدتنا لفين يا قلبي وشــــــــــــــــــــوف سابتنا فين

في سكة زمان راجعين في سكة زمان في نفس المكان ضايعين في نفس المكان

لا جراحنا بتهدي يا قلبي ولا ننســـــــــــــــــــــــــى اللي كان يا قلبي

بتصحي الطريق خطوينا وأنين السنين والسما بتبكي علينا والناي الحزين

حتى نجوم ليالينا والقــــــــــــــــــــــــــــــــــــــــــــــ ــــــــمر غايبين

وتاني تاني تاني .. راجعين أنا وأنت تاني .. للنار والعذاب من تانــي

وتاني تاني تاني .. راجعين للحيرة تاني .. هايمين ونجري ورا الأمانـي

تاني تاني تاني .. حـنروح للحيرة تاني .. ونضيع ونجري ورا الأماني

ويغيب القمر .. ونعيش السهر .. وآهات الألم .. وليالي النــــــــــدم

وأمانة يا دنيا أمانـــــــــــــــة تداوينا من جرح هوانــــــــــــا

وتخلي الحب بعيد عنـــــــــــا ولانستناه ولا يســـــــــــــتنا

ده آماااااااااااااااااااااااااااااااااااانة

جديد 1-3-2011

معلومات عامة لصحتك

تأثير المواد الحافظة التى تضاف للطعام وآثارها السلبي

تصنيف المواد الحافظة إلى ثلاثة أنواع هى المضادة للميكروبات التى تمنع نمو البكتيريا والخميرة والفطريات وموانع الأكسدة التى تؤخر عملية أكسدة الدهون، التى تؤدى بدورها إلى فساد الطعام، والنوع الثالث هو مضاد الانزيمات التى تعزز بنوع الفواكه والخضروات بعد قطافها والمواد التى تستخدم فى عملية الحفظ هى ثانى أكسيد الكبريت

وتقوم مادة ثانى أكسيد الكبريت بالوظائف الثلاثة وهى جزء من مجموعة أكبر تسمى السلفات وهى مركبات توجد فى كثير من الأطعمة وهناك نسبة ضئيلة من الناس لديها حساسية ضد السلفات، لكن هيئة الأغذية والمشروبات الأميركية تقول إن هذه المادة الحافظة آمنة لغالبية الناس وتحتوى بعض أنواع الخل وعصائر الفواكه والفواكه المجففة على السلفات.

والسلفات تعوق نمو الميكروبات عن طريق عرقلة الوظائف الطبيعية لخلاياها كما يقول حسن جوراما الأستاذ المساعد لعلوم الأغذية بجامعة بنسلفانيا، وهناك مادة تسمى البروبونات تعوق عمل الميكروبات وتحافظ على طزاجة المخبوزات.
ويوجد حامض البروبونيك بشكل طبيعى فى التفاح والفراولة والحبوب والأجبان ويعمل هذا الحامض كمضاد للفطريات وثبور البكتيريا التى تؤدى إلى عفن الخبز.

وهناك مادة أخرى تسمى بنزوات وهى تقاوم إلى حد ما الميكروبات أيضا وتقاوم الفطريات التى تنمو فى الأوساط التى ينخفض فيها تركيز الأحماض، ولا يوجد كثير من البكتيريا.

وتوجد البنزوات بشكل طبيعى فى التوت البرى وتستخدم أيضا مادة النترات والنيترات فى حفظ اللحوم والقضاء على بكتيريا اللحوم القاتلة كما تحافظ هذه المواد على اللون الأحمر للحوم، وبدونها تتحول اللحوم إلى اللون البنى، ويقول جوراما إن مشكلة النترات والنيترات الوحيدة أنها تتفاعل مع الأحماض الأمينية لتكون النيتروسامينات وهى من المسرطنات، أى التى تسبب السرطان.
لكن الكميات التى تستخدم منها فى حفظ اللحوم قليلة ولا تذكر بالنسبة لهذا الأثر. وهناك مواد حافظة مضادة للأكسدة توقف التحلل الكيماوى للأغذية عندما تتعرض للهواء وتكون الأحماض الدهنية غير المشبعة فى الزيوت والدهنيات عرضة للأكسدة ويتغير بناء على ذلك لونها وطعمها إذا حدثت الأكسدة.
المجموعة الثالثة من المواد الحافظة هى التى تهاجم الإنزيمات فى الأغذية التى تسبب تعفن الخضروات والفواكه عقب قطافها تسبب الانزيمات مثلاً للتفاح والبطاطس التحول إلى اللون البنى عقب تقشيرها أو تقطيعها مباشرة وتقوم أحماض مثل حامض الاسكوربيك (فيتامين ج) والحامض الستريكى بتأجيل هذه العملية عن طريق إعاقة ظروف عمل الإنزيم.

جديد 28-2-2011

أغنية وطنية عظيمة

أقرأ وتمعن فى الكلمات وقول الله على قوة عزيمة شباب مصرنا الغالية

والله زمان يا سلاحي
اشتقت لك فى كفاحى
انطق وقول أنا صاحى
ياحــرب والله زمان
والله زمان ع الجنود
زاحفة بترعد رعود
حالفة تروح لم تعود
الا بنصر الزمان
هموا وضموا الصفوف
شيلوا الحياة على الكفوف
ياما العدو راح يشوف
منكم من نار الميدان
يا مجدنا يا مجدنا
ياللى اتبنيت عندنا
بشقانا وكدنـــا
عمرك ماتبقى هوان
الشعب بيزحف زى النور
الشعب جبال الشعب بحور
بركان غضب بركان بيفور
زلزال بيشق لهم فى قبور