هناك من يعشق سماع الأغانى ولكن من المؤكد أننا كبشر عاديين نحب نغنى لوحدنا وفى اماكن خاصة جدا جدا جدا --- وعشان تغنى صح لازم تكون كلمات ولحن الأغنية فى دماغك --- اللحن سهل ان تتسلطن بيه أما الكلمات فغالبا ما لا نعرفها فنأخذ باقى الأغنية بدندنة لحنية تعجبنا ثم ....... نتوقف وقد ننتقل لأغنية آخرى أحنا حافظين كلماتها --- ولهذا وضعت لكم كلمات أغنية جميلة للمطرب محمد عبد الوهاب ممكن تغنيها لوحدك

أغنية : كل ده كان ليه

غناء محمد عبد الوهاب ـ كلمات مأمون الشناوي

كل ده كان ليه لما شفت عنيه

حن قلبي إليه وانشغلت عليه

كل ده كان ليه

قال لي كم كلمة يشبهوا النسمة في ليالي الصيف

سابني وف قلبي شوق بيلعب بي وف خيالي ليه

إحترت أشوفه فين وان شفته اقول له إيه

كل ده كان ليه

اللي حيرني واللي غيرني واللي فاتني ف حال

نام وسهرني والا فاكرني والا مش عالبال

صبحني ف هم وويل من طول ما بفكر فيه

نساني أنام الليل خلاني أبات أناجيه

كل ده كان ليه

ليه بيحرمني من سؤال عني وافضل استناه

لو يكلمني كان يطمني ع اللي بتمناه

يا شاغلني ليل ونهار بغرام ما اقدرش اداريه

شوف قلبي وشوف النار اللي انت قايدها فيه

كل ده كان ليه