شــــويــة فــرفشـــــــة

== واحد غبى و هو بيحلق ذقنه التليفون رن .... عور نفسه عشان يعرف هو وقف فين

== اتنين قاعدين بيحششوا فوق السطوح... الاول: الحق يا منير ابوك مات ..راح شدله حجرين وقعد يعيط .... بعد شوية الحق يا منير امك ماتت ... راح شدله حجرين تانى وقعد يعيط .... شويه يا منير الحق اخوك مات ... راح حادف الشيشة من ايده ووقف علي سور البلكونة و قال :لا ده هو اللي فاضلي ورمي نفسه ....وهو في الدور السابع افتكر انه مقطوع من شجرة ...وفي الدور التاني افتكر انه ماسموش منير أصلاً

== مره واحد بعت لمراته نجفتين و قال لها علقيهم دول حلوين ... تاني يوم وصل له جواب من مراته بتقول له .. دول حلوين بس تقال علي وداني

== واحد مسطول دخل مطعم وقال لصاحب المطعم عندك حلقات بصل قاله صاحب المطعم ايوه فقاله ادينى الحلقه الاخيره

== توتو ونونو واقفين في الشارع شاوروا لتاكس فمشى التاكس شويه للامام ووقف ، قام توتو قال لنونو السواق ده رزل وقف في المكان اللى هنزل فيه

ضغط عصبى كل يــــــوم وبعدين ؟؟؟؟ تعالوا يمكن نضحك وشوية فرفشة

=واحد مابيصومش قال لـمراته: فين السحور يا ولية قالتله أنت مش بتصوم عاوز ايه من السحور؟ راح قال لها:الله هو يعني لا صيام ولا سحور خلاص بقينا كفار للدرجة دي

=رجل طلع عليه أسد.. فركع الرجل على ركبتيه كى ينجيه الله من اﻷسد و إذا باﻷسد يأتى بجواره ويركع هواﻵخر فتعجب الرجل و قال للأسد : طيب أنا بأصلى عشان ما تكلنيش ، انت بتصلى ليه ؟ اﻷسد قاله : أصل أنا بأحب أصلى ركعتين قبل اﻷكل

= مروة واحد عصبي وبيتلكك ليها حب يحكلها حاجة حصلت. قالها أنا عايز أقولك على حاجة غريبة حصلتلى النهاردة بس انتى مش هتصدقينى وهتقولى عليا كداب.. بس أنا مش كذاب أنتي اللى كدابة واهلك كدابين ..روحى وانتي طالق

= مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار ، راح الفار رفس الاسد برجله وهو بيقول انا لما اتعصب ما برحمش

= المثل الصيني: لا تعطيني سمكة ولكن علمني كيف اصطاد النسخة الحالية المصرية المترجمة لنفس المثل بالظبط .. لا تعطيني سمكة .. ولكن خليهم 2 كيلو عشان العيال وامهم وماتنساش علبتين رز بقى والعيش والطحينة .. واتوصى وحياة والدك

شــــويــة فــرفشـــــــة

= عصفور صدمته عربية واغمى عليه  صاحب العربية وقف واخده البيت وحطه فى قفص صحى العصفور لقى نفسه فى القفص مسجون قال معقوله يكون الراجل مات

= واحد بيقول لصاحبه بتحب ابوك ولا اللحمة ؟؟  قال له انت عبيط دى الشوربة بس برقبته

=واحد مصرى اتجوز واحدة صينية باسها بوستين وباظت

= تاجر مخدرات راح يخطب واحدة فأبوها بيسأله انت بتشتغل ايه؟  قال له فنى تكييف

حاجة تجنن الفيل ويــــــالا الدنيـــــــــــــــــــــــا ملعبكة تعالوا نضحك شوية _  يمكن تتفك حبتين زنقة الجاز والغاز والبنزين والكورة,,,,و وتأسيسية الدستور وبالمناسبة لو عندك وقت اركب آى مواصلة وقدم استمارة ترشيح رئيس لمصر حقــــك لا تضيعه  وفرصة عمرك يمكن الأيام الجاية تشح العملية والأستمارات تخلص ومفيش مانع تحجز لولادك وحبايبك وآةةةةةةةةةةةة يابلد العجائب

= فار كل شويه يخش سوبر ماركت ياكل الجبنه اللى فيه صاحب السوبر ماركت زهق منه فعمله مصيده ومسكه المهم حب يذله فمقتلوش بس كسرله سنانه وراح جاى حدفه برا المحل ... الفار جرى وقاله مث مهم هثرب عثير

= واحد بيسال صاحبه هو ايه الفرق بين تجارة الحشيش وتجارة عين شمس ؟ قام صاحبه قال تجارة عين شمس 4 سنين انما تجارة الحشيش اقلها 25 سنة

= حرامي مسلح دخل بنك و سرق الفلوس والمجوهرات اللي فيه! وقبل ما يمشي سأل زبون واقف: شفتني؟ قاله: اه شوفتك. !راح الحرامي ضربه بالنار موته بص الحرامي لواحد تاني هو و مراته وسأله: لو شفتني حقتلك؟   قاله : لأ بس مراتي شافتك

شــــوية فرفشـــة

واحد مسطول اتصل بأوباما وقاله أحنا حنعلن الحرب عليكم

أوباما إتخض قوى وقال له : إنتوا مين؟
الحشاش قال : أنا وبيسو وعلاء وحناوى وميخا و 3 صحابنا كمان من القهوة ... يعنى 8 وحوش ...
أوباما ضحك وقال له : إنت تعرف أنا عندى كام جندى فى الجيش ؟
الحشاش قاله : كام يعنى يا عم الخفيف ؟ أكيد مش أكتر مننا إحنا ال 8 ..
أوباما قاله : أنا عندى 2 مليون جندي تحت أمرى ...
الحشاش قال : لا جديدة دى .. أنا لازم أتشاور أنا والشباب … سيكا كدة وأكلمك ...
بعد شوية الحشاش أتصل بيه تانى وقال له : خلاص .. متقلقش يا أوباما مش حنعلن الحرب عليكم ..
أوباما قال له : ليه ؟
الحشاش قال له : لا أبدا مافيش .. بس إحنا معندناش مكان يكفى 2 مليون أسير في القهوة

شــــوية فرفشـــة

== أحمد شوبير من ذكائه فـتـح سـوبـر مـاركـت سـمـاه مـتـجـر الأقـمـشـة الـكـهـربـائـيـة لـحـلاقـة الأحـذيـة الـغـذائـيـة مـفـتـوح 24 يـوم فـي الـساعـة مـاعـدا الـسـبـت عـشـان صـلاة الجـمـعـة يوم الثلاث -- اصله مثقف واعلامى  فى التحريض والوقيعة بين المصريين؟؟؟؟؟؟

== محشش بيسأل شيخ فى رمضان
ياشيخ امبارح وانا ماشى فى المطبخ اتزحلقت فوقع فى بوقى صابعين محشى وشويه شربة وحتة كنافه وشوية ميه بس --- هو انا كده ابقى فطرت ؟
الشيخ قاله لا ياروح أمك : دا انت كده تبقى اتغديت

== مرة واحد محشش بص  لواحد صومالي وسأله أنت صيني ؟  استغرب الصومالي وقال لا...!!
بعد شـوية رجع تانى وسأله يا أخي أنت صيني ؟  اتعصب الصومالي وقال لا يا أخي
وبعد شـوية المحشش بص عليه كمان مرة وقاله : طيب أمك صينية ؟
شاط فيه الصومالي وقاله : أيوه ? انا صيني وأمي صينية واسمي شونغ لي ارتحت ؟
قال المحشش : غريبة !! مــع إن شكلك صومالي

شــــويــــة فــر  فشـــــــــة

= مسطول شاور لتاكسى قال له فاضى؟  قال ايوة  --  قال له طيب انزل نتكلم شوية

= مسطول قاعد مع صحابه قال لهم مش أنا طلع لى أسد امبارح
قالوا له وعملت ايه ؟   قال لهم رميته بكوباية مية فى ايدى
رد واحد تانى قال لهم صح --- دا أنا قابلنى نفس الأسد باضربه بالقلم لقيت وشه مبلول مية

 = اتنين مساطيل راكبين عربية اتقلبت بيهم ، واحد قال للتانى اظن اننا اتقلبنا ، رد عليه صاحبه وقال يووووووووووه بدأنا نوسوس ؟؟

شــــويــة فــرفشــــــــة

(اليومين دول نتيجة للإنفلات الأمنى اصبح قطع الطريق برنامج يومى للشعب المصرى وفى كل المحافظات وفى مثل هذه المصائب الأمنية والأقتصادية مطلوب أبتسامة والسلام)

1- مسطول بيقول لصاحبه نتقابل الجمعة ان عشنا وكان لنا عمر قال له ولو ماعشناش  قال له يبقى نتقابل السبت
2- مسطول قاعد مع صحابه متضايق ، واحد بيسأله مالك ؟ قاله شكلى اتسطلت مش عارف انا عندى معاد مع واحدة الساعة اتنين ولا معاد مع اتنين الساعة واحدة
3- مسطول قاعد مرعوب يقرا اسماء الأموات فى صفحة الوفيات  ويقول : يارب يارب مايكون اسمى فيهم
4- موقف ستاتى 100% فى خااااااااص بالمتزوجات 
لو كبستي علي جوزك ف يوم ولقيتيه بيخونك مع واحده تانيه ومن الصدمه جريتي ع المطبخ وبدون وعي رحتي جايبه السكينه -- ومكنش قدامك غير تلات خيارات وطماطمتين  ولمونة
ياتري تقدري تعملي طبق سلطه ف أد أي ؟؟؟؟

شــــويــة فــرفشـــــــة

== محشش خلع باب بيتهم وماشي بيه واحد شافه في الشارع  قاله انت شايل الباب كده ليه؟  قاله موديه للنجار يصلحه

الراجل قاله طب مش خايف حد يدخل البيت ويسرقه
المحشش مات على روحه من الضحك وقاله : يا حمار هيدخل ازاي والباب معايا

 == البيت الأبيض حب يجدد السور بتاعه

أعلنوا عن مناقصه اتقدم 3 مقاولين  مكسيكى وايطالى ومصرى
رئيس الشركه المسؤل عن المناقصه سأل المكسيكى هتاخد كام
قاله : 700 دولار قاله ليه : رد المكسيكى 300 عمال و300 لوازم البنا و100 ليه
سأل الايطالى هتاخد كام  قاله : 800 دولار
قاله ليه ؟ : رد الايطالى 300 عمال و 300 لوازم البنا و200 ليه
سأل المصرى هتاخد كام قاله 2700 دولار
قاله نعم ؟!  ليه؟ رد المصرى 1000 ليك و1000 ليا ونجيب المكسيكى يعمله بــ 700

شـــــــويـــة فـرفشــــــــــــــــــــة

= واحد راح لدكتور عيون علشان يعمله عملية .بعد ما فكله الرباط قال للدكتور مش شايف يا دكتور,الدكتورقاله دول كام قله مش شايف,قله طب دول كام قله مش شايف مش شايف, راح الدكتور مسك ودنة و قله طب دى أية قله دي ودنى الدكتور قله ياراجل خضيتنى عليك
= مسطول  ماسك ثلجه ساعتين صاحبه بيقوله انتا ماسك الثلجه بقالك كتير ليه قاله له أموت واعرف هى مخرومة وبتنقط منيييين ؟؟؟
= واحد غبى لقى قرد فى الشارع .فراح لعسكرى المرور وقاله اود يه فين ، قاله وديه جنينه الحيوان راح ورجع تانى يوم لعسكرى المرور والقرد معاه. قاله العسكرى مش قولتلك ود يه جنينه الحيوان. فرد عليه الغبى ما انا وديده امبارح جنينه الحيوان النهارده هوديه السينما

شويـــــــة فـــرفشـــــــــة

1- واحد ﻣﺮﺍﺗﻪ ﺿﺎﻋﺖ ﻣﻨﻪ  ﻓﻘﻌﺪ ﻳﺪﻭﺭ ﻋﻠﻴﻬﺎ
ﻭﻫﻮ ﻣﺎﺷﻰ ﻗﺎﺑﻞ ﻭﺍﺣﺪ ﺗﺎﻧﻰ ﻣﺮﺍﺗﻪ ﺿﺎﻳﻌﺔ ﻣﻨﻪ ﺑﺮﺩﻩ
ﻓﻘﺎﻟﻪ ﺍﻧﺖ ﻣﺮﺍﺗﻚ ﺷﻜﻠﻬﺎ ﺍﻳﻪ ؟
ﻗﺎﻟﻪ ﺑﻴﻀﻪ ﻭﻃﻮﻳﻠﻪ ﻭﻋﻴﻨﻴﻬﺎ ﺧﻀﺮﺍﺀ ﻭﺷﻌﺮﻫﺎ ﺍﺻﻔﺮ ﻭﻻﺑﺴﻪ ﻓﺴﺘﺎﻥ ﻓﻮﻕ ﺍﻟﺮﻛﺒﻪ
ﻭﺍﻧﺖ ﻣﺮﺍﺗﻚ ﺷﻜﻠﻬﺎ ﺍﻳﻪ ؟.
ﻗﺎﻟﻪ ياراجل ﺳﻴﺒﻚ ﻣن مراتى ﻭﺗﻌﺎﻟﻰ ﻧﺪﻭﺭ ﻋﻠﻰ ﻣﺮﺍﺗﻚ

2- دعاء بعض البنات كل صباح 
اللهم ارزقني برجل من أرقى العائلات
وحاصل على أعلى الشهادات     وكمان عنده أغلى السيارات‎ 
ومليان دولارات    وبيتكلم لغات‎  
ونقضى شهر العسل بين القارات‎   وأمه وأخته ....... فى ذمة الله

3- سؤال من مذيعة مشهورة فى برامج التوك شو

لو كبستي علي جوزك ف يوم ولقيتيه بيخونك مع واحده تانيه
ومن الصدمه جريتي ع المطبخ وبدون وعي رحتي جايبه السكينه الحامية المشرشرة
ومكانش قدامك غير تلات خيارات  وطماطمتين 
ياتري تقدري تعملي طبق سلطه ف أد أي ؟؟؟؟

شــــــــــــــوية فرفشــــــة

حدث ذات يوم

== واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز

نصيبك حيصيبك

== مرة دكتور دخل عنبر فى سراية المجانين لقى واحد بيضرب نفسة بالشبشب سأل الممرضة ماله ده ؟ قالت أصله كان بيحب واحدة ومتجوزهاش ..دخل العنبر الى بعده لقى واحد بيخبط دماغة فى الحيطة قالها وده ماله قالتله اصل ده الى اتجوزها

عيال آخر زمن

== واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسه؟

شوية فرفشة

الدنيا ضاقت بالمدرسين والكادر والهادر فرفعوا أكفهم بالدعاء فماذا قالوا

1- دعاء مدرس الرياضيات
‎اللهم اجعلني مستقيما في حياتي‎     واجعلني في زاوية قائمة       ولا تجعل الدنيا حادة علىّ
واجعلني موازيا لعبادك الصالحين      وهو المطلوب يا ارحم الراحمين     يا صاحب البرهان العظيم
 2- دعاء مدرس اللغة العربية 
اللهم اجعلني فاعلا للخير      ومرفوعا عن الشر         وبعيدا عن النصب
ومضافا لعبادك الصالحين      ومجرورا لتقواك         ومبتدئا بالسلام
3- دعاء مدرس الجغرافيا

اللهم ارزقني أنهارا من الخير        وجبالا من الحسنات         وثبت أقدامي في مهب الرياح وعند تغير المناخ
وهب لي خريطة الهداية          واجعل تاريخي مشرفا        يا أرحم الراحمين
4- دعاء مدرس الكيمياء 
اللهم اجعل تفاعلي مع الحياة تفاعلا حسنا    وهب لي عاملا مساعدا في حياتي
واجعلني عاملا مختزلا للحسنات      ومؤكسدا للشر   وتقبل نشاطي يا كريم
5-  دعاء مدرس الألعاب

اللهم اجعلني هدافا للخير         ومهاجما للشر    ومدافعا عن الحق       وحارسا لكلمتك
وظهيرا للدين         ولا تجعلنى متسللا على الناس        ولا معرقلا لسير الحياه