شــــوية فرفشـــة
واحد مسطول اتصل بأوباما وقاله أحنا حنعلن الحرب عليكم
أوباما إتخض قوى وقال له : إنتوا مين؟
الحشاش قال : أنا وبيسو وعلاء وحناوى وميخا و 3 صحابنا كمان من القهوة ... يعنى 8 وحوش ...
أوباما ضحك وقال له : إنت تعرف أنا عندى كام جندى فى الجيش ؟
الحشاش قاله : كام يعنى يا عم الخفيف ؟ أكيد مش أكتر مننا إحنا ال 8 ..
أوباما قاله : أنا عندى 2 مليون جندي تحت أمرى ...
الحشاش قال : لا جديدة دى .. أنا لازم أتشاور أنا والشباب … سيكا كدة وأكلمك ...
بعد شوية الحشاش أتصل بيه تانى وقال له : خلاص .. متقلقش يا أوباما مش حنعلن الحرب عليكم ..
أوباما قال له : ليه ؟
الحشاش قال له : لا أبدا مافيش .. بس إحنا معندناش مكان يكفى 2 مليون أسير في القهوة
ليست هناك تعليقات:
إرسال تعليق