من أشعار عمنا صلاح جاهين
الشاعر المصرى الأصيل -أقرأ كلماته تعرف من هو صلاح جاهين (رحمه الله)
وقصيــدة
زى الفلاحين
القمح مش زى الدهب
القمح زى الفلاحـين عيدان نحيلة جدرها بياكل فى طين
زى اسمـاعين ومحـمـديـن
وحسين أبو عويضه اللى قاسى وانضرب علشان طـلب
حفنة سنابل ريَّها كان بالعرق عرق الجبـين
القمح زى حسين يعيش ياكل فى طين
أما اللى فى القصر الكبير يلبس حـرير
والسـنـبلـه يبعت رجاله يحصدونها من على عـود الفقير
ليست هناك تعليقات:
إرسال تعليق