هناك من يعشق سماع الأغانى ولكن من المؤكد أننا كبشر عاديين نحب نغنى لوحدنا وفى اماكن خاصة جدا جدا جدا --- وعشان تغنى صح لازم تكون كلمات ولحن الأغنية فى دماغك --- اللحن سهل ان تتسلطن بيه أما الكلمات فغالبا ما لا نعرفها فنأخذ باقى الأغنية بدندنة لحنية تعجبنا ثم .... نتوقف وقد ننتقل لأغنية آخرى أحنا حافظين كلماتها --- ولهذا وضعت لكم كلمات أغنية لكوكب الشرق السيدة أم كلثــوم ممكن تغنيها لوحدك

أغنية : هو صحيح الهوى غلاب

كلمات الشاعر الكبير بيرم التونسي.. لحن زكريا أحمد
هو صحيح الهوى غلاب ما عرفش انا
والهجر قالوا مرار وعذاب واليوم بسنة
جاني الهوى من غير مواعيد وكل مادا حلاوته تزيد
ما أحسبش يوم ح ياخذني بعيد     يملي قلبي بالأفراح     وارجع وقلبي كله جراح
إزاي يا تري      أهو ده اللي جرى       وانا ما عرفش
نظره وكنت أحسبها سلام وتمر قوام   أتاري فيها وعود وعهود وصدود وآلام
وعود لاتصدق ولا تنصان  عهود مع اللي مالوش أمان
صبر على ذله وحرمان       وبدال ما اقول حرمت خلاص
أقول يارب زدني كمان

   إزاي يا تري        أهوه ده اللي جرى
وانا ما عرفش
يا قلبي آه           الحب ورآه
أشجان والم     واندم واتوب
وعلى المكتوب    ما يفدش ندم
يا ريت أنا أقدر أختار   ولا كنت اعيش بين جنة ونار
نهاري ليل وليلي نهار
أهل الهوى وصفوا لى دواه    لقيت دواه زود في أساه
إزاي يا تري   أهو ده اللي جرى     وانا ما عرفش