هناك من يعشق سماع الأغانى ولكن من المؤكد أننا كبشر عاديين نحب نغنى لوحدنا وفى اماكن خاصة جدا جدا جدا --- وعشان تغنى صح لازم تكون كلمات ولحن الأغنية فى دماغك --- اللحن سهل ان تتسلطن بيه أما الكلمات فغالبا ما لا نعرفها فنأخذ باقى الأغنية بدندنة لحنية تعجبنا ثم .. نتوقف وقد ننتقل لأغنية آخرى أحنا حافظين كلماتها --- ولهذا وضعت لكم كلمات أغنية جميلة لسيدة الغناء العربى أم كلثوم ممكن تغنيها  لوحدك

أغنية : الف ليلة وليلة

يا حبيبي .. الليل وسماه .. ونجومه وقمره وسهره وإنت وأنا 

يا حبيبي أنا .. يا حياتي أنا كلنا في الحب سوا

والهوى .. آه منه الهوى سهران الهوى      يسقينا الهنا .. ويقول بالهنايا حبيبي 

يالله نعيش في عيون الليل ونقول للشمس تعالي بعد سنة   مش قبل سنة دي ليلة حب حلوه بألف ليلة وليلة

بكل العمر .. هو العمر إيه غير ليلة زي الليلة 

إزاي أوصف لك يا حبيبي إزاي       قبل ما أحبك كنت إزاي كنت ولا امبارح فاكراه

ولا عندي بكره أستناه ولا حتى يومي عايشاه

خدتني بالحب في غمضة عين       وريتني حلاوة الأيام فينا لليل بعد ما كان غربة مليته أمان

والعمر اللي كان صحرا اصبح بستان

يا حبيبي .. يالله نعيش في عيون الليل       ونقول للشمس تعالي بعد سنة      مش قبل سنة ..دي ليلة حب حلوه بألف ليلة وليلة

بكل العمر .. هو العمر إيه غير ليلة زي الليلة     

يا حبيبي إيه اجمل م الليل واتنين زينا عاشقين تايهين

ما احناش حاسين العمر ثواني والا سنين

حاسين اننا بنحب وبس       عايشين لليل والحب وبس

يا حبيبي الحب حياتنا وبيتنا وقوتنا    للناس دنيتهم واحنا لنا دنيتنا

وإن قالوا عن عشاقه بيدوبوا في نار أشواقه       أهي ناره دي جنتنا

الحب عمره ما جرح .. ولا عمر بستانه طرح غير الهنا وغير الفرح

يا حبيبي يالله نعيش في عيون الليل    

   ونقول للشمس تعالي بعد سنة  مش قبل سنة دي ليلة حب حلوه بألف ليلة وليلة

بكل العمر .. هو العمر إيه غير ليلة زي الليلة

يا قمر ليلي .. يا ظل نهاري .. يا حبي .. يا أيامي    الهنيةعندي لك أجمل هدية     كلمة الحب اللي بيها 

تملك الدنيا وما فيها واللي تفتح لك كنوز الدنيا ديه

قولها ليه قولها للطير .. للشجر .. للناس .. لكل الدنيا .. قول الحب نعمة 

مش خطية الله محبة .. الخير محبة        النور محبة يا رب تفضل حلاوة سلام أول لقا في ايدينا

وفرح أول ميعاد منقاد شموع حو الينا     ويفوت علينا الزمان يفرش أمانه علينا

يا رب      لا عمر كاس الفراق المر يسقينا    ولا يعرف الحب مطرحنا ولا يجينا

وغير شموع الفرح ما تشوف ليالينا

يا حبيبي يالله نعيش في عيون الليل     ونقول للشمس تعالي بعد سنة 

مش قبل سنة دي ليلة حب حلوه بألف ليلة وليلة

بكل العمر .. هو العمر إيه غير ليلة زي الليلة