طبعا كلنا او اكثرنا سمع وبيسمع مسلسل ليالى الحلمية -- ولكن ياترى يعرف كلمات اغنية المسلسل ؟؟؟
صحيح اللحن اكثر من ممتاز وايه رأيكم لو اطلعتم على الكلمات --- حقيقى الموضوع جميل جدا وتمتع مع أحلى ذكريات وهذا المسلسل الجميل
ليالي الحلمية
كلمات سيد حجاب
الحان ميشيل المصري
منين بيجي الشجن.. من اختلاف الزمن
ومنين بيجي الهوى.. من ائتلاف الهوى
ومنين بيجي السواد.. من الطمع والعناد
ومنين بيجي الرضا ..من الايمان بالقضا
من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن
ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع
ولفين ياخدنا الأنين
لليالي ما الهاش عينين
ولفين ياخدنا الحنين
لواحة الحيرانين
ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا
ولفين ياخدنا الأنين
لليالي ما الهاش عينين
ولفين ياخدنا الحنين
لواحة الحيرانين
ليست هناك تعليقات:
إرسال تعليق